Թանգարանային կյանք 2025

Ալեքսանդր Սպենդիարյանի տուն-թանգարանում մայիսի 10-ին կայացած «Վարպետ փոքրիկներ 2025» նախագծի հերթական մասնակիցը Մ. Մալունցյանի անվան արվեստի դպրոցի սան, Դավիթ Բաբայանն էր։ Դավիթը նվագում է մարիմբա (դասատու Մ. Գուլիքեխվաև) և գրեթե բոլոր հարվածային գործիքներով։ Սովորում է նաև դպրոցի կլարնետի և կիթառի բաժիններում։ Մի շարք մրցույթ-փառատոնների դափնեկիր է:
Դավիթի կատարմամբ հնչեցին Ա. Սպենդիարյանի, Վ. Մոնտիի, Ի. Ալբենիսի, Զ. դե Աբրեուի, Ց. Սիբելիուսի և Ա. Խաչատրյանի ստեղծագործությունները մարիմբայով։ Համերգի ընթացքում Դավիթը հանդես եկավ նաև Մ. Մալունցյանի արվեստի դպրոցի դասական համույթի կազմում, համույթի ղեկավար՝ Է. Այվազյան։ Կլարնետով Դավիթը կատարեց Ժ. Բիզեի «Նադիրի արիան» «Մարգարիտներ որոնողները» օպերայից։
Նախագիծը վարեց Ա. Սպենդիարյանի տուն-թանգարանի ավագ գիտաշխատող Ինեսսա Խաչատրյանը: